Wall Climbing
Let's write in Filipino, shall we?

Napakasaya at nakakalumpo ang araw na ito. Ginanap kanina sa rockwell ang "Elim Kids Seek What is above climbing challenge." Tama ang narinig mo, nagwall climbing kami.. Noong umaga, nagpasya akong magsuot ng maong, pangitaas na may kwelyo at sandals para hindi ako pag-wall climbingin ni Ate Jane (ang elder ng Kids ministry). Wala kasi akong planong pahirapan ang aking sarili at magpawis ng araw na iyon, at isa pa, never pa kong nakapag wall-climbing. Dapat pa nga'y naka-denim coat ako sa pagaakalang malamig ang lugar pero hindi pala. Naka-locate ito sa parking area na open space. (ang denim coat nga pala ay hindi ko nabili dahil hindi ko maisara ang isa sa dalawang butones ng medium size nito, [conscience: tanggapin mo na kc, tumataba ka na!] ang large size naman ay pwede sana, pero mahaba ang manggas).

Dumating ako sa rockwell ng ng 12:45.. Habang hinahanap ko ang Play Underground climbing gym, nakita ko sina kuya mosses, ate Dondi, kasama ang kanilang pamilya at ate PY, [hindi ko lang sigurado kung nakita ko rin si Ate Didi, pero parang oo]. Binati ko sila at tumuloy na sa paghahanap ng Climbing Gym dahil ang aking call time ay 1pm. Pagdating ko dun, saktong nagpapark na sina kuya mars at ate jane. Sinetup muna namin ang mga audio at ang mga dapat idikit sa wall [ang empleyado po ang nagkabit, hindi ako]. Akala ko lusot na ko sa pagakyat, pero bigla akong sinabihan ni Ate Jane, na-testingin ko daw kung madali ang pagakyat. Wala pa si David nun, siya dapat ang paaakyatin ko if in case paakyatin nga ako. Kaya kahit mukha akong ewan sa suot ko ay sumunod ako sa inutos sakin. Nahirapan akong isuot ang harness dahil maliit ito para sa akin, so kailangan ko pang kumuha ng mas malaking size [conscience: "tanggapin mo na tumataba ka na!"]. Nangaakyat na 'ko, nangibabawa na sakin ang excitement kaya nakalimutan kong mag-warm up, basta sugod ako kaagad. Ang goal ay maabot ka ang Jesus rock na nakalagay sa bandang 1/3 nang wall, pero sa sobrang excitement tinapos ko hanggang taas [conscience: akala ko ba wala kang balak??] bumababa ako, dala-dala ang pagnanais na umakyat muli.

Nagdatingan na ang lahat, pati si Dad and Mom dumating din. Bago magumpisa pinatawag ako ni ate jane, para mag-demo [ayayay! wish come true]. Kaya ayun, kahit walang warm-up sugod na naman hanggang sa pinakataas. Nang karamihan na nang mga bata ay natapos ng umakyat ay umalis na rin si Dad at Mom. Nagulat ako nang nag-bbye sa akin si Mommy luli [pwede na ko mamatay! para sa akin, kalevel nun ang Papal Blessing.. hehe!]

Nang karamihan na ay natapos sa pagakyat, nagpadesisyunan namin ni ate tape na umakyat muli. pero ngayon, doon naman sa mas mahirap ang aming planong akyatin, dahil na din sa pagaakalang kaya ko yun. Si ate tape ay napunta sa mas mahirap na wall, ako naman doon sa mas madali. Mga ilang metro na ang naaakyat ni ate tape at ako naman ay nahihirapang kumapit sa wall.. Nararamdaman kong ayaw na nang kamay ko, hindi na niya kayang humawak sa wall. Nagpapawis na rin ito at sumasakit na. Nakakailang laglag at dulas na rin ako kaya Sabi nung guide at assistant ng climbing gym, try ko na lang daw sa ibang wall, sabay turo sa mas mahirap na kiddie wall [ouch! straight to the bones yun! hehe] natapos ni ate tape ang turn niya at sinubukan ko naman akyatin ang wall niya, sa pagaakalang mas madali yun dahil mas daming apakan. Mali ako, nagmukha akong ewan sa pagakyat, mga 4 na bese akong nalalag at nadulas pero pilit paring bumalik at umakyat, pero narealize ko, hindi ko na talaga kaya. Sumuko na ko.

Kahit hindi ko natapos, ay masaya parin ako.. Fast forward... Pagkatapos ng event, ay nagpasya akong kumain muna sa Jollibee bago umuwi. At doon ko naramdaman ang side effects ng hindi pagwarm up. Nahirapan akong balatan ang Chicken Joy! [sa may hindi alam kung ano ang chicken joy, ito ang manok na ine-endorse ni Aga, at nagpauso sa chant na, "isa pa! isa pa! isapng chicken joy!"] biruin mo balat lang yun at nahirapan ako! pero dahil sa gutom, ininda ko ang sakit at binalatan ko siya gamit ang natitira kong lakas. at sa loob ng 10 minuto, buto na lang at plastic ang natira.

Habang tinatype ko ang entrying ito, nangangamoy bengay ako! mainit-init pa ang feeling [nadamihan kasi ng lagay, akala ko kc lotion! hahaha! joke!] pero masaya. May na-realize din ako sa wall climbing event, ito'y aking ishshare mamaya, o bukas, pwede rin sa makalawa o sa susunod na buwan..

Kung tinapos mo ito, wag mag-atubiling mag-react sa sinulat ko. umabot ka na hanggang dito, lubusin muna.. sige na.. please! hehehe!